News by tag - общество
-
Сӗве урлă каçма çук
Пăва районӗнче çурхи ейӗве пула Кильдураз, Хăят ялӗсен çывăхӗсенче Сӗве юханшывӗ çырантан тухнипе апрелӗн 2-мӗшӗнчен кунти кӗперсем урлă çуран та, транспортпа та каçса çӳреме чарнă.
-
Беспилотник атакăласан мӗн тумалла?
Апрелӗн 2-мӗшӗнче, Елабуга тата Анат Камăна атакăланă хыççăн ТР МЧСӗ кун пек лару-тăрура çынсен мӗн тумаллине аса илтерчӗ.
-
Хусан саммита хатӗрленет
Çак эрнерен Хусан БРИКС саммитне пӗтӗм вăйран хатӗрленме пуçлать
-
Утаман тек Хӗрлӗ кӗнекере мар
Тутарстанра вăрман упине çухалас хăрушлăхри сайра тӗл пулакан чӗрчунсен кӗнекинчен кăларнă. Сăлтавӗ — йышӗ ӳссе кайни, кун çинчен ТР Биоресурссен енӗпе патшалăх комитечӗн пресс-службин хыпарӗ çине таянса РБК Татарстан сайт пӗлтерет.
-
Тутарстанри хăш-пӗр заведение эрех сутма чарасшăн
Республикăра каçхине 22 сехетрен пуçласа ирхине 10 сехетчен алкогольлӗ шӗвексем сутма чарасси çинчен çӗнӗ закон йышăнасшăн. Хальхи вăхăтра закон проекчӗ коррупцие хирӗç экспертиза тӗрӗслевӗнче. Çӗнӗ законпа килӗшӳллӗн, чару нумай хваттерлӗ çуртсенче е ун çывăхӗнче вырнаçнă 50 тăваткал метртан пӗчӗкрех лавккасене пырса тивет. 500 ытла çын пурăнакан монохуласенчи нумай хваттерлӗ çуртсенче вырнаçнă 100 тăваткал метртан пӗчӗкрех лавккасенче вара алкогольлӗ шӗвексене ӳлӗмрен вуçех сутма чарасшăн. Нумай хваттерлӗ çуртсен картишӗнчен кӗмелли обществăлла апатлану заведенийӗсенче те каçхине 22 сехетрен пуçласа ирхине 10 сехетчен эрех тавраш пулмалла мар.
-
Кашнин канăвӗ тиӗçлӗ шайра ирттӗр
Çуркуннехи каникул кунӗсенче ача-пăчан канăвне яланхи пекехтӗплӗн шутласа йӗркеленӗ
-
Тутарстанра шкул ачисене беспилотниксемпе ӗçлеме вӗрентеççӗ
Республикăри 19 вӗрентӳ шкулӗнче шкул ачисене беспилотниксем пуçтарма, вӗсемпе ӗçлеме вӗрентӗç.Çитес вăхăтра учительсене вӗрентме пуçлаççӗ. Кун çинчен ТР вӗрентӳпе наука министрӗ Ильсур Хадиуллин Регион управленийӗн центрӗн тӳрӗ эфирӗнче пӗлтернӗ.
-
Кашни киле сенкер çулăм çиттӗр
Газ сечӗсемпе çыхăнмалли правилăсем çыннăн кил-çурт хуçалăхӗн чиккине çитиччен тӳлевсӗрех газ кӗртме май параççӗ
-
Çамрăк çемьесене тӗрев
84 çемьене пурăнмалли условисене лайăхлатма субсиди панă
-
Çемье ансамблӗсене! Музыкантсен династийӗсене!
Конкурсантсен хăйсен музыкăллă çемйи çинчен мини-фильм ӳкрсе йӗркелӳçӗсене ярса памалла
-
Мускавра пулас аннесен Пӗтӗм Раççей форумӗ иртет
«Çирӗп çемье: йăлтах йывăрлисем валли» Пӗтӗм Раççей форумӗ апрелӗн 4-5-мӗшӗсенче Мускавра иртет. Регионсем, çав шутра тутарстансем те, акцие онлайн мелӗпе хутшăнма пултараççӗ.
-
Апрелӗн 1 – 30-мӗшӗсенче йывăр тиевлӗ машинăсене çулсем çине кӗме чараççӗ
ТР Министрсен Кабинечӗн постановленийӗпе килӗшӳллӗн, апрелӗн 1– 30-мӗшӗсенче Республика территорийӗнчи регион тата муниципалитет шайӗнчи çулсем çине йывăр тиевлӗ кашни транспортах кӗртмеççӗ, тесе пӗлтерет «Çул-йӗр хăрушсăрлăхӗ» патшалăх учрежденийӗн пресс-служби.
-
2025 çулта Хусантан Самарăна «Метеор» çӳреме тытăнать
Пассажирсене турттарассипе ӗçлекен «Тутарстан Республикин флочӗ» компани 2025 çултан Хусантан Самарăна шыв-шур тăрăх рейс йӗркелеме йышăннă. Маршрут пӗтӗмпе 8 чарăнуран, çав шутра Пăлхар, Толятти, Ульяновск хулисенче, тăрӗ. Çул çине пурӗ 10 сехет те 50 минут вăхăт кайӗ.
-
Ентешсене пулăшу кирлӗ!
Хусанта тренер пулса ӗçлекен пултаруллă спортсменăн, çăлавпа прикладной спорчӗпе темиçе хутчен Раççей чемпионӗн, Пăва районӗнчи Рункă ялӗнче çуралса ӳснӗ Алексей Сунейкинăн çемйинче мартăн 21-мӗшӗнче пысăк инкек пулнă. Пӗтреç районӗнчи Гильдеево ялӗнчи икӗ хутлă харпăр çурчӗ (кунта вӗсем 2017 çулта пурăнма куçнă) тӗпӗ-йӗрӗпех çунса кайнă. Телее, хăйсем те, 9 тата 7 çулти ывăлӗсем те сывă.
-
Иннополис импорта ылмаштарассипе ӗçлет
Искусствăлла интеллект, робот-такси, дрон-доставщик, кашни виççӗмӗш çын IT-специалист е ученăй... Сăмахăм виртуаллă тӗнче çинчен мар, Иннополис хула пирки.
