Алексеевскинче çил-тăвăл çурт тăррисене сӳнӗ

Шăрăх çанталăк хыççăнхи çумăр нумай чухне сăтăрсăр иртмест. Алексеевски районӗнчи Куркуль ялӗнче те акă паян ирхине ирех тухнă вăйлă çил тăватă çуртпа гараж виттине сӳсе ывăтнине хыпарлать «Татар-информ» ИА ТР МЧС пресс-службин хыпарӗ çине таянса. Вăйлă çил-тăвăлпа пӗрлех пăр та çунă-мӗн. Новая урамӗнчи пӗр çурт çинчи сайдинга витӗрех шăтарса пӗтернӗ вăл. Колхозная урамра вара çил-тăвăл çурт тăрринех илсе пăрахнă, хапхине сиенлетнӗ. Çаплах тепӗр темиçе çурта та сиен кӳни паллă. Телее, çынсем вилни тата суранланни çинчен хыпар çук.