Чăнкă Мирун çӗнӗ машина туяннă

Чăнкă Мирун çӗнӗ машина туяннă. Вӗçтерсе пырать хайхискер машинăн хăвачӗпе киленсе пысăк хăвăртлăхпа. Сасартăк çул хӗрринче «Хăвăртлăхна чакар – 50 км» тесе çырнă табличка курать. «Вара кирлӗ паллă çеç лартма пулнă вӗт-ха. Кунта вара табличка çырса хунă. Эппин, ӗç-пуç чаплах мар», – тесе шутласа илет те хăвăртлăхне сехетре 50 километр таран чакарса малалла вӗçтерет. Кайсан-кайсан каллех «Хăвăртлăхна чакар – 20 км» текен табличка курать. 20 километр таран чакарса малалла каять. Кăштахран каллех табличка – ку хутӗнче «Хăвăртлăхна чакар – 10 км» тесе çырнă. 10 километр хăвăртлăхпа пырсан-пырсан «Çул хӗрринчи «Хăвăртлăхна чакар» ресторана хапăл туса кӗтетпӗр!» тесе çырнă вывеска патне çитсе чарăнать.