Май. Халăх календарӗ

Улмуççи чечеке ларчӗ-тӗк, çӗр ăшăнса çитет.

8-мӗшӗ - юрлакан вӗçен кайăксем ушкăнăн-ушкăнăн вӗçсе килеççӗ. Çак кун хӗвеллӗ тăрсан - çурхи тырă ăнса пулать.

9-мӗшӗ - ӗлӗк пăрçа акнă тата ир пулакан çӗрулми лартнă.

10-мӗшӗ - май ăшши çирӗпех мар, çанталăк сивӗтет, тăм та ӳкет-ха.

11-мӗшӗ - каç ăшă, тӳпе çăлтăрлă пулсан - лайăх тухăçа. Хурăн сӗткенӗ ӗçнӗ, çак кун вăл уйрăмах усăллă теççӗ.

12-мӗшӗ - çӗмӗрт чечеке ларать. Сиплӗ курăк пуçтармалла.

13-мӗшӗ - халăх календарӗпе - Якку. Çӗрле ăшă, тӳпе çăлтăрлă-тăк, çулла çиллӗ те типӗ пулать.

14-мӗшӗ - çак кун çанталăк япăх тăрсан, хӗлле те çанталăк савăнтармасть.