16 пин ытла сӑнавҫӑ сасӑлава тимленӗ

Тутарстанӑн Общество палати сасӑлав процессне сӑнама 16,5 пин наблюдатель хатӗрленӗ. Вӗсем июнӗн 25-мӗшӗнче ӗҫе пикеннӗ. Ҫакӑн ҫинчен ӗнерхи пресс-конференцире Общество палатин председателӗ Зиля Валеева каласа панӑ.
"Общество палатинчен пурӗ 16 пин те 543 наблюдатель сасӑлавӑн мӗн пур тапхӑрӗсене сӑнарӗҫ, ҫав шутра килти сасӑлава та. Июнӗн 25-мӗшӗнче мӗн пур наблюдатель "постра" пулнӑ", – тенӗ спикер.
Июлӗн 1-мӗшӗ наблюдательсемшӗн чи яваплӑ кун пулнӑ. Участоксене ултшар-ҫичшер ҫын ӗҫленӗ.
" Эпӗ виҫӗ участокра пулса куртӑм, вӗсенче ҫичшер наблюдательччӗ, ытти кунсенче икшер-виҫшер", –тесе палӑртнӑ вӑл.