Çӗнӗ хыпарсем
2021 çулта Тутарстанра уйрăлакансем нумайланнă
«Иртнӗ çул пирӗн уйрăлакан мăшăрсем питӗ нумайччӗ, мӗншӗн тесен 2020 çулта, коронавирус пандемине пула эпир уйрăлупа çыхăннă услугăсене кӳмерӗмӗр», - тесе пӗлтернӗ ТР Министрсен Кабинечӗн ЗАГС управленийӗн начальникӗ Гульшат Нигматуллина.
Пуçлăх палăртнă тăрăх, объективлă пулас тесен иртнӗ çулсенчи статистикăна танлаштармалла. «Эпир сăнанă тăрăх, уйрăлусен пӗтӗмӗшле шучӗ, вăтамран илсен пӗр шайра», – тесе палăртнă вăл. Пурӗ 2021 çулта уйрăлакансен шучӗ 14 876 мăшăра çитнӗ. 2018 çулта Тутарстанра 13 456 мăшăр уйрăлнă, 2019 çулта - 13 316. Çапла республикăра пӗрлешекен пин мăшăртан 603-шӗ уйрăлаççӗ.
Следите за самым важным и интересным в Telegram-каналеТатмедиа
Нет комментариев