Чăваш Республикин Пуçлăхӗ çумӗнчи Общество канашӗн ларăвӗнче республикăра çитес çула Наукăпа технологисен çулталăкӗ пек ирттерме йышăннă.
Çулталăк темине «Чувашия Онлайн» порталта ирттернӗ халăх сасăлавӗпе палăртнă. Сасăлав юпа уйăхӗн 21–26-мӗшӗсенче иртнӗ, унта пилӗк вариантран пӗрне суйлама пулнă. Унта тăратнă вариантсем çакăн пек пулнă: Наукăпа технологисен çулталăкӗ, Цифрăлла малашлăхăн ҫулталӑкӗ, Ҫемье йӑли-йӗркисемпе вӗсене вӗрентекенсен ҫулталӑкӗ, Амӑшӗпе ачин сывлӑхӗн ҫулталӑкӗ, Тараватлӑхпа туризм ҫулталӑкӗ.
Сасăлава пурӗ 3700 çын хутшăннă, вӗсенчен 1791-шӗ пӗрремӗш варианта – Наукăпа технологисен çулталăкне – суйланă.
ЧР Пуçлăхӗ Олег Николаев çак тематикăна ырланă, вăл регион аталанăвӗшӗн пӗлтерӗшлӗ пулнине палăртнă.
Сасăлав пирки çак ссылкăпа вуласа пӗлме пулать.
Сăнӳкерчӗк cap.ru сайтран.
Нет комментариев