«Ҫар-2023» форума Тутарстан та хутшăнать
Мускав ҫывӑхӗнче паян Пӗтӗм тӗнчери «Ҫар-2023» форум уҫӑлчӗ. Унта ҫӗршыври 1,5 пин ытла оборонӑпа промышленность предприятийӗсен продукцине курма пулать. Форум мероприятийӗсене Тутарстан Республикин Раисӗ Рустам Минниханов та хутшӑнать.
Килекенсене пирĕн республикӑра тунă çĕнĕ беспилотниксемпе паллаштарӗҫ. Унсӑр пуҫне Хусанти вертолет завочӗн нумай тӗллевлӗ Ми-17 вертолетне те кăтартĕç. Раҫҫей компанийӗсемсӗр пуҫне форума ҫичӗ патшалӑхран 85 ют ҫӗршыв предприятийӗ хутшӑнĕ.
«Ҫар-2023» форум «Патриот» курав центрсăр пуçне Алабино полигонӗнче, Кубинка аэродромӗнче августăн 20-мӗшӗччен иртӗ. Официаллӑ программа тӑрӑх ют патшалӑхсен делегацийӗсем унта августӑн 15-мӗшӗнчен пуҫласа 17-мӗшӗччен хутшӑнӗҫ, площадкӑсене массӑллӑ ҫӳреме августӑн 18-мӗшӗнчен пуҫласа 20-мӗшӗччен уҫӗҫ.
Сăнÿкерчĕк tatarstan.ru сайтран.
Следите за самым важным и интересным в Telegram-каналеТатмедиа
Нет комментариев