Чăваш Шупашкарӗнче пурăнакан Ильдуловсем фронта тепӗр мотоцикл ăсатрӗç
Çӗнӗ Шуçăм районӗнчи Чăваш Шупашкарӗнче пурăнакан Ильдуловсемпе «Сувар» вулаканӗсене паллаштарсах тăратпăр. Фермерсен çемйи районăн социаллă экономикине кăна мар, волонтер ӗçне те хастар хутшăнать. Нумай пулмасть кăна-ха Людмила Ивановнăпа Сергей Васильевич Ильдуловсем ятарлă çар операцине контрактпа кайнă ентешне Саша Ваганова «Эндуро Кросс 250» мотоцикл туянса волонтерсем урлă парса ячӗç.
Сăмах май, сăрт-туллă çулсемпе çӳремелли мотоцикл салтак патне тӗрӗс-тӗкелех çитнӗ, кун çинчен Саша хăй видео ӳкерсех янă.
Ашшӗ-амăшӗн ырă тӗслӗхӗпе тепӗр темиçе кунранах аслă ывăлӗ, çамрăк фермер Николай, салтак-ентешсене хăй çемйи ятӗнчен çакăн пекех парне турӗ.
Ак каллех ырă хыпарпа савăнтараççӗ Чăваш Шупашкарӗн чăвашӗсем. Ентеш-салтаксене тата тепӗр мотоцикл сывлăш пекех кирлине пӗлсен Ильдуловсем, хальхинче иккӗмӗш ывăлӗ, Анат Камăри МЧСра тăрăшакан Дмитрий, хăй çемйи ятӗнчен «Эндуро Кросс 250» мотоцикл туянса ăсатнă.
Пӗр çемьерен вӗр-çӗнӗ виçӗ мотоцикл таранах умлăн-хыçлăн ăсатакансем кашни ялтах çук вӗт. Улми йывăççинчен аякка ӳкмест теççӗ те тӗрӗсех-тӗр çав, йышлă ача-пăчаллă Ильдуловсен те акă ывăлӗсем, Николайпа Дмитрий, ашшӗ-амăшӗ пекех ентеш-салтаксене, вӗсен ашшӗ-амăшӗсене пулăшу кирлӗ чух хӗрринче юлмаççӗ.
Ильдуловсен çемье архивӗнчи сăнӳкерчӗк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев