Çитес çул Раççейре Халăхсен пӗрлӗхӗн çулталăкӗ пулать

Право информацийӗн официаллă порталӗнче пичетленнӗ документра Раççейре пурăнакан халăхсен туслăхне тата пӗрлӗхне çирӗплетес, тӗрлӗ культурăпа йăла-йӗркене сыхласа хăварас, çавăн пекех çамрăксен хушшинче Тӑван  çӗршыва тата унăн хаклăхӗсене юратма вӗрентес тата  патриотла воспитани парас тӗллевпе ирттерме йышăнни пирки каланă.

РФ правительствине виçӗ уйăх хушшинче Раççейре Халăхсен пӗрлӗхӗн çулталăкне ирттерме ятарлă комитет йӗркелеме тата унăн йышне çирӗплетме, çавăн пекех тӗп мероприятисен планне хатӗрлеме хушнă.

Çулталăк тăршшӗпе Раççейре пурăнакан мӗнпур халăхсен культурипе йăли-йӗркисен пуянлăхне кăтартма, нацисен хушшинчи килӗшӗве тата гражданла пӗрпеклӗхе çирӗплетме пулăшакан культура, вӗренӳ, çутӗç тата спорт мероприятийӗсем, фестивальсем, форумсемпе конференцисем иртӗç.

Сăнӳкерчӗк kremlin.ru сайтран.