Çӗнӗ чиртен пин ытла çын сипленет

Тутарстанра паян 38 ҫынра COVID-19 тупса палӑртнӑ тухтӑрсем. Пурте контактлисем. 21 ҫынна пульницана вырттарнӑ, 17-шӗ килӗсенче сипленеҫҫӗ. Чирлисенчен 19-шӗ Хусантан, 9-шӗ Ҫырчаллинчен, Анат Камӑра Нурлатра 2-шер ҫын, Ҫӳльту, Тури Услон, Лайӑш, Менделеевск, Пестрецы, Тукай районӗсенче –пӗрер. Пурӗ июнӗн 18-мӗшӗ тӗлне Тутарстанра 4078 ҫынра COVID-19 тупнӑ. 2907 ҫынна тухтӑрсем сыватнӑ, ҫав шутра иртнӗ талӑкра 33 ҫынна пульницаран кӑларнӑ. 1159 ҫын ҫаплипех сипленет-ха.