Çӗрпе усă курма коррупцилле ӗçсем чăрмантараççӗ пулсан сире Обществăлла палата пулăшма пултарать

Çӗр пайӗпе çыхăннă ыйтусем пур пулсан октябрӗн 13-мӗшӗччен ăна ТР Обществăлла палатине çырса яма вăхăт пур-ха сирӗн. Шăп çак кун ведомствăн обществăлла приемнăйӗнче çӗрпе усă курассин сферинче коррупцие хирӗç тăрассипе çыхăннă ыйтусемпе йышăнаççӗ.

Тутарстанра юлашки вăхăтра республика, ведомствăсен, муниципаллă шайра коррупцие хирӗç тăрассипе право, нормăпа çыхăннă ӗçсем  лайăхланса пынине палăртнă. Коррупцие хирӗçле программăн мероприятийӗсене пурнăçлани гражданла обществăн институчӗсен витӗмӗ коррупцие хирӗçле ӗçре ӳснине кăтартса панă. Обществăлла палата коррупцие хирӗçле ыйтусемпе мероприяти ирттерни, çав шутра çӗрпе çыхăннисемпе, патшалăхпа обществăн социаллă экономика аталанăвне, унăн конкурентлăхне, пурăнакан халăхăн ырлăх-пурлăхне коррупци витӗмӗнчен тухма пулăшать. Çынсен ыйтăвӗсене ТР Президенчӗн Коррупцие хирӗçле политика ыйтăвӗсемпе управленийӗн, ШӖМӗн Экономика хăрушсăрлăхӗпе коррупцие хирӗç тăрассипе Тутарстанри управленийӗн представителӗсем тата Обществăлла палатăн комиссийӗн пайташӗсем хуравлӗç.  

ОП обществăлла приемнăйӗ çак адреспа вырнаçнă: Хусан хули, Батурин урамӗ, 7А çурт, 136 зал.

Ыйтăва интернет-приемнăй урлă та ярса пама пулать. Ыйтусене октябрӗн 13-мӗшӗччен, ирхине 10.00 сехетчен аяларах кăтартнă ссылкăпа йышăнаççӗ е «хӗрӳ лини» телефон номерӗпе:   

 https://oprt.tatarstan.ru/ipriem/message-form.htm , 8(800)350-44-72.

И.Кузьмина сăнӳкерчӗкӗ.