Елчӗксем хусансене çӗнтернӗ
Раштав уявӗ умӗн Пăвара аслисем хушшинче мини-футбол турнирӗ иртнӗ. Спорт мероприятине Украинăри ятарлă çар операцине хутшăнса пуç хунă Айрат Рифкатова асăнса юлташӗсемпе тăванӗсем йӗркеленӗ.
35 çултан аслăраххисем хушшинчи ăмăртăва ултă команда хутшăннă, вӗсенчен пӗри Чăваш Республикинчи Елчӗкрен пулнă. Мемориал турнирӗнче «Елчӗк» пӗрремӗш вырăн çӗнсе илнӗ. Вӗсен вратарьне Василий Соловьева «Чи лайăх голкипер» номинаци парса чысланă. Иккӗмӗш вырăна «Хусан» команда йышăннă, виççӗмӗш вырăна – «Пăва-1».
Çак турнира Пăва районӗнчи Чăваш наципе культура центрӗн ертӳçи Владимир Ильин та хутшăннă.
Сăнӳкерчӗксем Телеграммри «Пуринчен малтан. Çывăрса юлмасан» пабликран.
Следите за самым важным и интересным в Telegram-каналеТатмедиа
Нет комментариев