Электронлă дневнике кӗме логинпа пароле класс ертӳçинчен ыйтмалла

ТР Вӗрентӳпе наука министерствин адресӗпе шкулсенчен ашшӗ-амăшне электронлă вӗрентӗвӗн çӗнетнӗ системине кӗме логинпа пароль паманни пирки нумай çăхав килет, тесе пӗлтерет ТР Вӗрентӳпе наука министерстви. 

Логинпа пароле ашшӗ-амăшӗсем, маларах пӗлтернӗ пекех, шкулта илме пултараççӗ. Ăна класс ертӳçинчен е завучпа директортан ыйтмалла. 

ТР Вӗрентӳпе наукам министерстви Вӗрентӳ управленийӗсене директорсем патне кирлӗ информацие çитерме хушу панă:

Логинсемпе парольсем январӗн 22-мӗшӗнчен директорпа класс ертӳçисен аллинче пулмалла;

Ачин логинӗпе парольне пама ыйтакан ашшӗ-амăшне вӗсене памалла;

Халь панă логин ача шкул пӗтеричченех вăйра пулать. Ача пӗр шкултан теприне куçсан та улшăнмасть вăл;

Ашшӗ-амăшне логинпа пароль пама ыйтса хушма заявлени çыртармалла мар.

Логинпа пароль илессипе çыхăннă ыйтусем пулсан (843) 5257099 хӗрӳ лини телефонӗпе шăнкăравламалла.

Сăнӳкерчӗк ТР Вӗрентӳпе наука министерствин пресс-службин.