Эпир манмастпар!

Церемоние район администраци пуçлăхӗ Марат Гафаров, Чăваш Çӗпрелӗнче çуралса ӳснӗ çар офицерӗ, отставкăри полковник Валерий Колпаков, район ертӳçисем, Михаил Чашкинăн мăшăрӗпе ачисем, ашшӗ-амăшӗпе çывăх тăванӗсем, юлташӗсем тата районăн юнармеецӗсем, Кивӗ Çӗпрелӗнчи нумай профильлӗ лицей педагогӗсемпе вӗренекенӗсем, ял çыннисем хутшăннине хыпарлать район хаçачӗ. 

Çарта контрактпа тăнă Михаил Чашкин ятарлă çар операцийӗн пӗрремӗш кунӗнчех Донбасс халăхӗн хӳттине тăрса неонацистсене хирӗç кӗрешнӗ. Шел, наводчик-оператора вăрçă вутӗнчен тухма пӳрмен, 2022 çулхи май уйăхӗн 23-мӗшӗнче паттăрла пуç хунă вăл. Çапăçури паттăрлăхшăн çар командованийӗ ентеше Хăюлăх орденӗпе наградăланă.

Валерий Колпаков полковник (СВОра унăн ывăлӗ Андрей Колпаков разведчик та паттăрла пуç хунă. –Авт.) пирӗн салтаксем çар тивӗçне чыслăн пурнăçланине, вӗсемпе мăнаçланнине палăртса çак паттăрсене пӗрне те манма юраманнине каланă. 

Михаил Чашкин та акă çемйишӗн ӗмӗрлӗхех лайăх ывăл, мăшăр, атте, тусӗсемшӗн шанчăклă юлташ пек юлӗ, район халăхӗшӗн вара хăюллă паттăр, çитӗнекен ăрушăн тӗслӗх пулӗ.

Ирина КУЗЬМИНА 

хатӗрленӗ.

Сăнӳкерчӗксем Çӗпрел район хаçачӗсенчен.