Еткерлӗхе упраса хăварма пулăшакан проект

Проект 2022 çулта Кукмор районӗнчи Маскара ялӗнчи  собор мечетне реставрацилессинчен пуçланнă. Пин-пин çын пулăшнипе тата республика бюджетӗнчен 91,7 миллион тенкӗ уйăрнипе çӗнетнӗ мечет 2025 çулхи июнь  уйăхӗнче, Курбан-байрам уявӗнче, уçăлнă. Церемоние Тутарстан Раисӗ Рустам Минниханов тата республика муфтийӗ Камиль хазрат Самигуллин хутшăннă.

2026 çулхи пӗрремӗш пысăк проект –  Пӗтреç районӗнчи Янцевары ялӗнче Покров чиркӗвне çӗнетесси. Храма реставрацилемелли проекта «Развитие культуры Татарстана»  патшалăх программи шайӗнче хатӗрленӗ, ăна Комитет ырланă. Пуçару малалла аталанасси халӗ çынсенчен килет – прихут сăваплă вырăна çӗнетме укçа-тенкӗ пухма пуçланă та ӗнтӗ.

«Пуçару халăхран хăйсенчен килни савăнтарать: çынсем прихут йӗркеленӗ, укçа-тенкӗ пухма пуçланă та ӗнтӗ. «Сохраняем вместе» проект хăйӗн тухăçлăхне çирӗплетрӗ – Маскарари собор мечетне çăлса хăвартăмăр, Курбан-байрам уявӗнче уçрăмăр. Покровски чиркӗвне те пӗрлехи вăйпа çӗнетме пултарасса шанатăп. Ку пирӗн пӗрлехи истори, пирӗн ăна мăнуксем валли упрамалла», – пӗлтернӗ ТР Культура еткерлӗхӗн объекчӗсене сыхлассипе комитет председателӗ Иван Гущин.

Янцеварти храма çӗнетме пулăшас тесен вырăнти прихут реквизичӗсемпе кирек мӗнле суммăна та куçарма пулать.

Реквизиты для помощи:

Получатель: МРОП Приход Храма Покрова Пресвятой Богородицы с. Янцевары Пестречинского района РТ, Казанская епархия Русской православной церкви (Московский патриархат)  
Расчетный счет: 40703810762710000472  
Банк: Отделение «Банк Татарстан» №8610 ПАО Сбербанк  
Корреспондентский счет: 30101810600000000603  
БИК: 049205603  
ИНН: 1686055370  
Назначение платежа: Пожертвование на уставную деятельность

Контакты прихода:

Настоятель: иерей Ярослав Петрущенков  
Телефон: 8-960-048-73-34  
E-mail: Ivanvolvoc30@yandex.ru  
Адрес: 422777, Республика Татарстан, Пестречинский район, с. Янцевары, ул. Центральная, д. 1

ТР Культура еткерлӗхӗн объекчӗсене сыхлассипе комитетăн пресс-службин сăнӳкерчӗкӗ.