Фестиваль районсене, ялсене çитӗ

«Алтын минбар» XX Халăхсен хушшинчи кинофестивалӗн географийӗ пысăкланать

Кăçал конкурс программине суйласа илнӗ фильмсене те, тӗп конкурса лекменнисене те Тутарстанăн 43 районӗнче кăтартаççӗ. «Татаркино» директорӗ Миляуша Айтуганова пӗлтӗр тӗрӗслесе пăхмалла темиçе районта Ольга Акатьеван «Я делаю шаг» картинине кăтартнине куракансем хапăлласа йышăннине асăннă. Кăçал фестиваль пынă вăхăтра «Татаркино» хăйӗн сетӗнчи кинозалсенче харăсах темиçе фильм кăтартма шутлать. 

Программăна çула çитмен ачасем валли ӳкернӗ картинăсене кӗрнине ырламалла. Аслăрах çулсенчи кураканшăн интереслӗ лентăсем те пулӗç. Пӗтӗмӗшле илсен, тӗрлӗ çулсенче Наци конкурсӗнче пулнă фильсем кăтартӗç районсенче. 

Аса илтеретпӗр, кăçал Тутарстан кинематографӗ 100 çул тултарнине паллă тăвать, çавăнпа «Татаркино» республикăра ӳкернӗ картинăсене ытларах кăтартнинчен тӗлӗнмелли çук.

«Алтын минбар» XX Халăхсен хушшинчи кинофестиваль 2024 çулхи сентябрӗн 6 — 11-мӗшсенче Хусанта иртет. 
Автор сăнӳкерчӗкӗ..