Патшалăх туянăвӗн (госзакупки) сайтӗнчен Тутарстанра ялти лавккасен çурчӗсене тума тытăнасси çинчен пӗлтӗмӗр. Малтан шутласа палăртнă тăрăх проекта пурнăçлама 5,2 миллион тенкӗ тăкакланма тӳр килет.  Контрактпа килӗшӳллӗн подрядчикăн ытти обьектсем валли те проектсем хатӗрлемелле, тӗслӗхрен, Пăлхарти 1000 çын вырнаçмалăх стадион, Тутарстанри муниципаллă йӗркеленӳсен ӗçтăвком çурчӗсем, Çырчаллинчи «Притяжение» пурăнмалли комплексра 1,5 пин вырăнлăх шкул, – туянăвăн пӗтӗмӗшле сумми 62,4 миллион тенкӗпе танлашать.