Ятарлă çар операцине хутшăнакансене çурт-йӗр

Хусан хулин Пурăнмалли çурт-йӗр политикин управленийӗн ертӳçи Ренат Шамсутдинов Украинăри ятарлă çар операцине хутшăнакансене е пуç хунисен тăванӗсене пурăнмалли çурт-йӗр енчен пулăшу хăвăрт кирлӗ пулсан социаллă ипотека программин квотипе çурт-йӗр пама пултарассине августăн 7-мӗшӗнче пӗлтернине хыпарлать РБК. Хусан хулин Думин çитес сессийӗнче çак категорири икӗ çемьен пурăнмалли çурт-йӗр условийӗсене лайăхлатас ыйтăва пăхса тухма хатӗрленнине каланă вăл. Хваттер илме тата тепӗр çемье те документсем тăратнине пӗлтернӗ.