Раштав уйăхĕн 4-мĕшĕнче 15:15 сехетре «Иван Яковлев. Завещание учителя» кăларăма «Россия — Культура» телеканалпа кăтартĕç.
Фильма Аслă Вĕрентекенĕмĕр çуралнăранпа 175 çул çитнине халалланă. Кун пирки хăйĕн телеграмм-каналĕнче Чăваш Республикин пуçлăхĕ Олег Николаев пĕлтернĕ.
— Хӑйӗн пурнӑçӗн ӗçне, хӑйӗн шухӑшӗсемпе идеалӗсене ĕмĕр тăршĕпех шанчӑклӑ пулнӑ çын çинчен ӳкернӗ кинокартинӑна пӑхни пирӗншӗн пуриншӗн те усӑллӑ пулӗ, — тенӗ пуçлăх.
Кинофильма Патшалăх истори архивĕнче, Чăваш наци музейĕнче, Тихвин чиркĕвĕнче, И. Я. Яковлев ячĕллĕ Чăваш патшалăх педагогика университетĕнче ӳкернĕ.
Сăнӳкерчĕксем ЧР Пуçлӑхӗн Олег Николаевӑн телеграмм-каналĕнчен.
Нет комментариев