Кăçал «Мисс Россия» титула Шупашкартан Валентина Алексеева тивӗçнӗ

Кашни çул иртекен «Мисс Россия» конкурса Раççей регионӗсенчен пурӗ 85 пин заявка килнӗ. Вӗсенчен 50-шне йӗркелӳçӗсем Мускава чӗнсе илнӗ. Виçӗ эрне хушшинче çамрăк хӗрсем конкурса хатӗрленнӗ. ‎Шăматкун, октябрӗн 5-мӗшӗнче жюри çӗнтерӳçӗсене палăртнă.

Кам-ха вăл «Мисс Россия» титула тивӗçнӗ хӗр?
Валентина Алексеева август уйăхӗн 11-мӗшӗнче Шупашкарта çуралнă. Хулари 5№ гимназие ылтăн медальпе пӗтернӗ хыççăн Н.И.Пирогов ячӗллӗ Раççей наци медицина тӗпчевӗн университетне (РНИМУ) «сиплев ӗçӗ» специальноçпа вӗренме кӗнӗ. Çамрăк тухтăр пулма ӗмӗтленет.

Конкурсăн официаллă сайтӗнче пӗлтернӗ тăрăх Валентина балетпа та интересленет, спортпа та туслă, экологи енӗпе тӗпчев проекчӗсем те тăвать.

Конкурсра Валентина Алексеева наци тумне тăхăнса тухнă, жюри пайташӗсене хуплупа сăйланă. Çавăн пекех «Птица счастья» ыр кăмăллăх медицина проекчӗпе паллаштарнă.Унăн тӗп тӗллевӗ чирлӗ ачасене пулăшасси. Фонд концепцине Валентина хăй вӗренекен вӗрентӳ заведенийӗн преподавателӗсемпе пӗрле хатӗрленӗ.

«Малалли плансем — Раççейе „Мисс Вселенная“ конкурсра тивӗçлӗ кăтартасси. Эпир чи лайăххисен шутне кӗме эп пултарайнине те, пултарайманнине те йăлт тума хатӗр», — каланă Валентина Алексеева ТАСС информаци агентствине панă интервьюра.

Çӗнсе илнӗ премие вăл вӗренӳ çине тата хăйӗн фондне аталатарма ярасшăн. Каласа хăвармалла титулпа пӗрле çӗнтерӳçӗ хаклă йышши чулсемпе илемлетнӗ коронăсăр пуçне 1 миллион тенкӗ преми илме те тивӗçнӗ.

Валентина Алексеева ноябрӗн 16-мӗшӗнче Мексикăра иртекен «Мисс Вселенная» конкурса хутшăнать. Кун пек тӗллев лартнă пулсан çӗнтеретех.

ТААС информаци агентствин сăнӳкерчӗкӗсем.