Кам-тăр кӗр халех килмест тесе иккӗленетчӗ те пулӗ, акă сивӗсем те çитрӗç
Çутçанталăк хăйӗн хăватне кăтартма шутларӗ пулас. Темиçе кун каялла кăна эпир йăлăхтарса çитернӗ шăрăхран тарăхаттăмăр, паян нумайăшӗ ăшăрах утиял айне кӗрсе выртасшăн.
Эрне пуçламăшӗнче Тутарстанра сывлăшăн талăкри вăтам температури нормăран 3-4 градус аяларах анать, вырăнӗ-вырăнӗпе çумăр çăвать.
Тунтикун пӗлӗтлӗ çанталăк пулать, кăнтăрла çумăр ытла çусах каймасть. Каçхине сывлăш температури -2,-7 градус таран анать. Çӗр ăшă-ха, çавăнпа та айлăмсенче çеç шăнтма пултарать. Кăнтăрла сывлăш 13-18 градус таран ăшăтать. Ытларикун, сентябрӗн 6-мӗшӗнче кăнтăрла пысăках мар çумăр çуса илет. Çӗрле сывлăш температури +2-рен пуçласа +7 градус таран пулать, кăнтăрла ăшă +11, +16 градус таран çӗкленет. Çӗр çинче çӗрлехи вăхăтра шăнтнине кӗтеççӗ синоптиксем.
Следите за самым важным и интересным в Telegram-каналеТатмедиа
Нет комментариев