Хусанта «Сывлăм» çуралчӗ

Кăçал Крутушкăри этнофестивальте Элмет район чăвашӗсен «Çеçпӗл» фольклор ансамблӗ хăйӗн пултарулăхне кăтартмаллаччӗ. Анчах та тӗрлӗ сăлтава пула, фестиваль программине çырăннă коллектив Хусана çитеймен. Çапах та авалхи юрă йăлисене кăтартакансен уçă сывлăшри концертӗнче чăваш сасси янăрарӗ-янăрарех. Вера Кожеманова тата музыкантсем тин çеç йӗркеленнӗ «Сывлăм» ансамбльпе тухрӗç сцена çине. Крутушка «Сенкер шел» тата «Вӗç, вӗç куккук» юрăсен авалхи тата хальхилле янăравне киленсе итлерӗ.