Куçма Турханăн «Сӗве Атăла юхса кӗрет» романне белорусла куçараççӗ

Кун çинчен Чăваш халăх поэчӗ Валерий Туркай пӗлтернӗ. Поэт сăмахӗсемпе, Михась СЛИВА романăн пирвайхи 10 страницине куçарса вуламашкăн ăна ярса панă та ӗнтӗ. «Историлле романа белорусла кăларни чăваш халăхӗн черетлӗ триумфӗ пулса Раççейпе Беларуççин туслă çыхăнăвне алататарать»,– тет Валерий Туркай. Аса илтеретпӗр, Кузьма Турхан «Сӗве Атăла юхса кӗрет» произведенире Чӑваш Ен вырӑс патшалӑхӗпе пӗрлешнине ҫутатса панӑ. Унта тӑван халӑхӑн XVI ӗмӗрти пурнӑҫне, йӑли-йӗркине анлӑн кӑтартнӑ, чӑваш халӑхӗпе вырӑс халӑхӗ хушшинчи туслӑх мӗнле аталанса пынине тӗплӗн тишкернӗ. (Сăнӳкерчӗк chuvash.su сайтран).