Лайăшри çӗнӗ урама доброволец ятне парӗç

«Кӗçӗн сержант Александр Савельев – Лайăш районӗнчен ятарлă çар операцине кайнă пӗрремӗш доброволец. Вăл унта икӗ хутчен пулнă. Унăн йăлтах пурччӗ – арăмӗ, ачисем, аппăшӗсем, çурчӗ, – вăл вара хăйӗн тивӗçне пурнăçлама – Тăван çӗршыва хӳтӗлеме кайрӗ. Александр вилнӗ хыççăн, хулара пурăнакансенчен унăн ятне ӗмӗрлетме ыйтса çырнă обращени килчӗ. Эпир район ӗçтăвкомне çыру çыртăмăр, топонимика комиссийӗ пуçтарăнса çак йышăнăва çирӗплетрӗ. Сессире депутатсем пӗр саслăн пулса çынсен пуçарăвне йышăнчӗ», – каласа панă журналистсене Лайăш мэрӗ Виктор Арефьев.

Савельев урамӗ – хулан хӗвелтухăç енче вырнаçнă çӗнӗ котедж поселокӗнче тӗп урам пулать.