«Лига форума» форума хутшăнма студентсенчен заявкăсем кӗтеççӗ

«Лига форума» – хӑйне евӗрлӗ вӗренӳ площадки, унта хутшӑнни  пӗлӗве  анлӑлатма, усӑллӑ çыхӑнусем йӗркелеме тата пӗр шухӑшлӑ çынсене тупма пулăшать.

Форума Раççей Федерацийӗн 16-35 çулсенчи гражданӗсем тата 18-30 çулсенчи ют çӗршывра пурăнакансем конкурс суйлавӗ иртсен хутшӑнма пултараççӗ.

Кӑçал йӗркелӳçӗсем виçӗ тематика смени ирттереççӗ, вӗсенчен кашнинче 400-шер студент. Хутшӑнакан тӗллевсене тата географие кура хӑйне кирлӗ направлени суйлама пултарать:

1 смена – «Лига развития» (августăн 6-10-мӗшӗсенче). Тутарстан Республикин аслӑ тата професси пӗлӗвӗ паракан вӗрентӳ организацийӗсен студенчӗсем валли. Смена студентсене хăйсене лайӑхрах ӑнланма, ытти çынсемпе хутшӑнас ӑсталӑха аталантарма тата малашне карьера тума  пулăшать.

2 смена – «Лига усиления» (августăн  12-16-мӗшӗсенче). Раççей регионӗнче пурăнакан студентсем валли. Тӗп темӑсем – студентсен хӑйтытӑмлӑхне аталантарасси тата хастарсем хушшинче опытпа ылмашӑнасси.

3 смена –  «Лига интеграции» (августăн 18-22-мӗшӗсенче). Ют çӗршыв студенчӗсем, çавӑн пекех ют çӗршыври вӗренекенӗсемпе хастар хутшӑнакан Раççей çыннисемшӗн. Направлени – культурӑсен хушшинчи коммуникаци тата пӗр-пӗринпе çыхăнса ӗçлесси.

Информаци пӗлес тесен Раççей университечӗсенче вӗренекен студентсем çак ссылкăпа кӗрсе кирлӗ информаци тупма пулатараççӗ,   ют çӗршыв студенчӗсем çак ссылкăпа кӗмелле. 

Электронлӑ заявкăна июнӗн  18-мӗшӗччен тултармалла та суйлав тапхӑрӗн кӑтартӑвӗсене кӗтмелле, списоксене июль уйӑхӗн 15-мӗшӗнчен пуçласа 25-мӗшӗччен пичетлесси паллă.

Форумăн пресс-службин сăнӳкерчӗкӗ.