«Мобильлӗ суйлавçă» механизмпа паянхи кун тӗлне 3,7 пин ытла çын усă курнă

Ку республикăри суйлавçăсен 0,13 проценчӗ шутланать. Çакăн пирки Тутарстан Республикин Тӗп суйлав комиссийӗн председателӗ Андрей Кондратьев пӗлтернӗ. 

«Суйлав вăхăтӗнче куллен пурăнакан вырăнта пулайман çынсенчен сасăласси пирки заявленисем йышăнас ӗç пырать. Пӗрремӗш эрнере „Мобильлӗ суйлавçă“ механизмпа 3726 Тутарстан çынни усă курнă. Ку хисеп февралӗн 7-мӗшӗ тӗлне. Февралӗн 6-мӗгшӗнче 2,5 пинччӗ. Ку чăнах та курăмлă динамика, вăл Тутарстан çыннисем сасăлав пирки малтанах шутланине кăтартать», — тенӗ спикер. 

А. Кондратьев каланă тăрăх, «Мобильлӗ суйлавçă» Раççей Президенчӗн суйлавӗнче пирӗн çӗршывăн хуть хăш кӗтесӗнчен те сасăлама май парать. Ăçта пропискăра тăни чăрмав мар. 

Суйлав вăхăтӗнче килте пулайманнисенчен суйлавçăсен списокне кӗртме ыйтса çырнă заявление территорири суйлав комиссийӗсене, МФЦна кайса е Патшалăх услугисен порталӗ урлă мартăн 11-мӗшӗччен пама пулать. Мартăн 6 — 11-мӗшӗсенче участокри суйлав комиссийӗнче заявлени пама май пур. 

Раççей Президенчӗн суйлавӗнче мартăн 15, 16 тата 17-мӗшӗсенче сасăлама пулать.