Паян Тутарстан Раисӗ Санкт-Петербургра иртекен «Раççей – Африка» экономика форумне хутшăннă

«Агропромышленность комплексӗнче хутшăнусем йӗркелес ыйтусене кашни тӗлпулура сӳтсе явнă, – тесе пӗлтернӗ журналистсене ТР ял хуçалăх министрӗ Марат Зяббаров. – Çак çӗршывсене продовольстви кирлӗ, тырă, вăрах упранакан продукци. Паллах, Африка çӗршывӗсенчи студентсене ял хуçалăх специальноçӗсемпе вӗрентсе кăларни те пӗлтерӗшлӗ. Çак ӗç те илсе пырăнать, вăл малалла тăсăлӗ. Рустам Минниханов пире паян ӗçе вăйлатма хушусем пачӗ, ӗç ушкăнӗсем йӗркелемелле, Тутарстанран профильлӗ министрсем ертсе пыракан делегацисем хатӗрлемелле. Африка континентӗнчи пирӗншӗн интереслӗ çӗршывсене пулса ӗçлӗ хутшăнусем йӗркелеме палăртатпăр».
Марат Зяббаров палăртнă тăрăх, пӗрремӗш номерлӗ ыйту – логистика. Африка континенчӗ пысăк, çывăхра вырнаçнă çӗршывсем те пур, аякрисем те. Апла пулин те «çул карттине» хатӗрлесе унпа ӗçлеме пуçласси çинчен пӗлтернӗ министр.