Парнене тавăрса памаççӗ

Суд арçынпа хӗрарăмăн вăл вăхăтра çывăх хутшăнусем пулнине, вӗсем пӗр-пӗрне шанса пурăннине, малашне çемье çавăрма шутланине тӗпчесе çирӗплетнӗ. Качча тухма ыйтсан хӗрарăм килӗшмен иккен. Вара арçын ун çине тăкакланă укçа-тенке суд урлă тавăрма шутланă та, хӗрарăма ун шучӗпе пуйнă тесе айăп­ланă вăл. Суд арçын хӗрарăма хăй ирӗкӗпе укçа куçара-куçара панине, хӗрарăм кашни хутӗнчех çав укçана мӗн çине тăкакланине ăна отчет туса пӗлтерсех тăнине тӗпчесе пӗлнӗ. Çавна кура суд çакăн пек пӗтӗмлетӳ тунă: тавăç паракан явап тытакана хăй ирӗкӗпе укçа куçарнă, ăна никам та ирӗксӗрлемен. 

Суд йышăнăвӗ законлă вăя кӗнӗ, тавăç паракан суд йышăнăвӗпе килӗшмесӗр хирӗçлесе çырман. 

Динара МИННЕХАНОВА, 

суд ларăвӗн секретарӗ.

Нурлат район сучӗ.