Сентябрӗн 14-мӗшӗнче Нурлатри Карл Маркс урамӗнчи 41-мӗш çурт çывăхӗнче «Хонда» автомобильпе питбайк çапăннă. Инкекре çула çитмен икӗ ача суранланнă.
Автоинспекторсем пӗлтернӗ тăрăх, иномарка водителӗ сулахаялла пăрăннă чухне питбайка çул паман. Çапăннă вăхăтра икӗ кустăрмаллă транспорт рулӗ умӗнче 15 çулти каччă ларнă, унпа пӗрле çула çитмен пассажирка та пулнă. Иккӗшӗ те шлем тăхăннă пулсан та йывăр аварие пула йывăр суранланнă. Ачасене Республикăри ача-пăча клиника больницине илсе кайнă.
Патшалăх Автоинспекцийӗн ӗçченӗсем аса илтереççӗ: питбайк тетте те, çулсем çине тухмалли хатӗр те мар. Ашшӗ-амăшӗ ачине çакăн пек техника туянса пани, унăн пурнăçне хăрушлăха кӗртсе ӳкерет.
Çул-йӗр инкекӗ хыççăн административлă тӗпчев ирттереççӗ. Экспертсем авари мӗнле пулса иртнине палăртӗç, унта хутшăнакансен яваплăхне çывăх вăхăтра тупса палăртӗç.
Нет комментариев