Пушӑ савӑт-сапаран саксем тӑваҫҫӗ

Ҫулталӑк хушшинче Хусанти шкул ачисем фандоматсене 6 тонна пушӑ савӑт пуҫтарнӑ.
12 уйӑхра вӗренекенсем 200 пин  пластик путулкка тата 25 пин аллюминь савӑт пуҫтарнӑ. Вӗсене ачасем фандоматсене чикеҫҫӗ. Фандоматсем хулари отход пухӑнса пынипе сӑнакан мониторинг системипе ҫыхӑннӑ, ҫавӑнпа та регионри операиор тарӑна шкулсенчен вӑхӑтлӑ илсе тухать те переработка ӑсатать.
Вӑтамран илсен, кашни фандомат икӗ кун хушшинче тулать. Пилотлӑ проект тарӑна пуҫтарас система эффективлӑхне кӑтартнӑ. Савӑтсен 6 тоннине хушма сортировка кирлӗ мар, брикетланӑ хыҫҫӑн вӗсене переработкӑна ӑсатаҫҫӗ. Ҫавӑн чухлӗ пластикран 120 урам сакӗ, 15 пин футболка, аллюминирен ҫӗнӗрен ӗҫме валли банкӑсем тума пулать.
Пуринчен те ытларах тара пуҫтарнӑ вӗренекен хаклӑ парнесем илме тивӗҫнӗ.