Салтак амăшӗ библиотекăна кӗнеке парнеленӗ

Вулакансем асăннă кӗнекен пӗлтӗрхи ноябрьпе декабрь уйă­хӗсенче тăватă районта иртнӗ хăтлавӗсем пирки çырнине вуланă пулсан астăваççех пуль ӗнтӗ – ку кăларăма ывăлӗн юлташӗсене паян кун та пулăшакан Екатерина Картамышева пирки çырни те кӗнӗ. Аксу районӗнчи Саврăшпуçӗнче иртнӗ хăтлава салтак амăшӗ хăй те пынăччӗ. Ун чух вăл тăван ялӗнчи библиотекăна парнелеме те кӗнеке илсе кайрӗ. Халӗ акă Чиешнинче ятарласа мероприяти ирттернӗ. Вăл «Вӗсене пирӗн тӗрев кирлӗ» патриотла мероприяти шайӗнче иртнӗ, унта ятарлă çар операцине хутшăнакансен, унта пуç хунисен тăванӗсем те хутшăннă.  

Паянхи кун нумай çынна хумхантаракан темăпа çырнă паха кӗнекене Чиешни библиотека­рӗ Марина Ермолаева питӗ савăнса, тав туса йышăннă. «Кун пек кӗнеке пирӗншӗн – питӗ хаклă парне. Эпир унпа  кашни пат­риотла мероприятирех халăха паллаштарăпăр, куравсенче выр­наçтарăпăр – ял-йыш та, ентешсем те Екатерина Александровна пек ырă, яланах çынсене пулăшма хатӗр çынсем, унăн ывăлӗ Виктор пек паттăрсем хамăр ялтах пуррине пӗлч­чӗр», – тенӗ вăл. 

Екатерина Картамышеван­ парни – ахаль кӗнеке кăна мар, вăл питӗ хаклă япала. Вăл пат­тăрсене асра тытма, вӗсемпе мă­наçланма, волонтерсен ыр­ми-канми ӗçне хисеплеме, фронта пулăшакансене тав тума вӗ­рентет.  (Г.Садыкова сăнӳкерчӗкӗсем).