Техника мӗншӗн ҫунать

 Иртнӗ эрнере республикăри темиçе хуçалăхра техника çуннине хыпарлать РФ МЧСӗн Тутарстанри управленийӗн пресс-служби.​ Актаныш районӗнчи Такталачук ялӗ çывăхӗнче тырă выракан комбайна çӳресе пынă çӗртех вут тивнӗ. Атня районӗнчи Дусюм ялӗ патӗнче вара çăлавçăсен «МТЗ – 1221» трактора тата пресс-подборщика сӳнтерме тивнӗ. Мӗслӗм районӗ те инкексӗр мар. Сӗт-çу комбиначӗн сӗт турттаракан «ГАЗ» машини гаражра çунса кайнă. Пӗрремӗшпе иккӗмӗш ăнсăртӗнче çынсем сиенленмен, виççӗмӗшӗнче вара 36-ри арçыннăн аллисем тата çурăмӗ пиçнӗ.