Телефонсене чăвашла çыртаратпăр

Вячеслав Христофоровăн Çырчаллинчи концертӗнче эпӗ те сцена çине тухрăм. Куракансене смартфонпа мӗнлерех чăвашла çырма пулнине каласа парас килчӗ. Хăшӗ-пӗри пиртен пӗлмест те, çӗнӗрех телефонсенче клавиатурăри «а» çине нумай пусса тăрсан «ă» тухнине, «ӗ»-пе те, «ӳ»-пе те çапларах.
Киввисенче ун пек функци пулмасса пултарать. Кунта акăлчан клавиатури çине куçсан тупма пулать чăваш саспаллийӗсене: çапла а,е,у,с çине кирлинчен ытларах пусса тăрсан – эсир чăвашла çырма пултаратăр. Çакă хамăр чӗлхене малашне те упрамалли, çыхăнура усă курмалли ансат меслет. Мӗншӗн тесен юрă-ташăпа пӗрле халăха тăван чӗлхе те пӗрлештерсе-чăмăртаса тăрать.Нумайăшӗ тав турӗç антрактра, çитес çур çул валли «Сувар» хаçата çырăнчӗç.
Хамăр чӗлхепе пур çӗрте те усă курсан (çав шутра кӗсьери телефонсенче те) вăл нихăçан та пӗтмест. (Автор сăнӳкерчӗкӗ).