Тӗнче шайӗнче канатпăр, укçа кăна çиттӗр

Тутарстанра кану центрӗсем сахал мар, анчах кун пеккиех çукчӗ-ха. Лайăш районӗнчи Столбище ялӗнче çитес вăхăтра тӗнче шайӗнчи кану центрӗ ӳссе лармалла. Ăна Турци инвесторӗсем инвестицилеççӗ, пӗтӗмпе 650 миллион доллар хывасшăн вӗсем çак проекта.

Хальлӗхе паллă пулнă тăрăх, кану центрӗнче 200 ытла лавккаллă суту-илӳ тата курав центрӗсем, апатланмалли вырăнсем, 5D кинотеатр, çемье валли аттракционсем пулаççӗ. Апла халăхăн малашне пушă вăхăтра ăçта каясси пирки шухăшласа  пуçа ыраттарасси çук, вырăнӗ пур, укçа кăна çиттӗр. (М.Захаров сăнӳкерчӗкӗ).