ТР Çамрăксен ӗçӗсен министерстви наци проекчӗсемпе тунă ӗçсене пӗтӗмлетрӗ

Ун сăмахӗсемпе, Тутарстан çамрăксен политикин комплекслă аталанăвӗн «Регион для молодых» программин çӗнтерӳçи пулнăран, республикăна федераллă бюджетран 188,5 миллион тенкӗ килнӗ. Республика бюджетӗнчен кӗнӗ укçана шутласан ку программа шайӗнче пӗтӗмӗшле 223 миллион тенкӗ уйăрнă. Субсидие  Химиксен Культура Çуртӗнче вырнаçнă республикăри çамрăксен центрне тӗпрен юсама, çамрăксем валли ирттерекен мероприятисене тата çамрăксен политикин отраслӗнче ӗçлекенсен компетенцине ӳстерме яраççӗ. Тутарстан кăçал та конкурса хутшăнса çӗнтерӳçӗсен шутне кӗнӗ, 2025 çулта ку программăпа республика валли 135 миллион тенкӗ уйăрӗç.

«Образование» наци проекчӗпе çамрăк культурăпа искусство ӗçченӗсем валли ирттернӗ «Таврида» вӗрентӳ проектне 92 çын хутшăннă.

Тутарстанра çамрăк çемьесене пурăнма хваттер-çурт туянас ӗçре «Обеспечение жильем молодых семей»  программа пулăшса пырать. 2023 çултан пуçласа Тутарстан Республикин Раисӗ Рустам Минниханов çулсерен ун валли 100 миллион тенкӗ уйăрма  хушнă. Программăпа  усă курма кăçал 44 муниципалитетран 458 заявка килнӗ, патшалăх пулăшăвне республикăри 84 çамрăк çемье илнӗ.

«Регион добрых дел»  конкурса хутшăнса республикăна 6 миллиона яхăн укçа килнӗ.  Çак  укçана Тутарстанри волонтерствăна аталантарма ярӗç.

Каласа хăвармалла,  пирӗн регион юлашки пилӗк çул çулсерен федераллă конкурсăн çӗнтерӳçисен шутне кӗрет.  Çак вăхăтра  доброволецсен ӗçне аталантарма республикăна 40 миллион тенкӗ яхăн килнӗ. 

Грант программисене илсен, Тутарстан кăçал федераллă конкурссене хутшăнса республика бюджетне 81 миллион тенкӗ хушăннă. РФ Çамрăксен ӗçӗсен федераллă агентствин (Росмолодёжь) 4 грант площадки регионта ӗçлеме пуçланă.

ТР Çамрăксен ӗçӗсен министерствин пресс-службин сăнӳкерчӗкӗ.