Тӗрӗ вăрттăнлăхне тӗпчерӗмӗр

Чӑваш тӗрри тӗнчипе паллӑ. Ӗмӗрсем витӗр, несӗлтен несӗле пирӗн халӑх тӗрӗ ăсталӑхне парса пырать. Тӗссен килӗшӗвне, тӗрӗ симметрине туйни тӗлӗнмелле эреш çуратать. Тӗрленӗ тум тӑхӑнсан хӑвна чӑваш тӗнчин пӗр пайӗ пек, халӑх историне туятӑн. 

Ачасем тӗрӗсемпе паллашрӗç, тӗссен пӗлтерӗшне шӗкӗлчерӗç, тӗрлӗ çӗвӗсен вăрттăнлăхне, тӗрӗ историне пӗлчӗç. Тӗрӗ халӑхӑн ӑс-тӑн культурине палӑртать. Библиотекарь вӗренекенсене Николай Симуновӑн «Сурпан тӗрри» ятлӑ произведенийӗпе паллаштарчӗ. Кӑсӑкланакансем тӗрлесе те пӑхрӗç.

Елена ХЛЫНОВА.

Пăва районӗ.

Автор сăнӳкерчӗкӗ.