Интернет технологийӗллӗ çак холодильниксем апат-çимӗç пуррипе çуккине, вӗсен срокӗ тухнипе тухманнине тӗрӗслеме тата кирлӗ апат-çимӗçе интернет-лавккасенче заказ тума пултараççӗ.
Тутарстанри POZIS завод темиçе уйăхран «ăслă» холодильниксен тӗрӗслевне пуçлассине хыпарлать «Татар-информ» ИА «Ростех» патшалăх корпорацийӗн пресс-службин хыпарӗ çине таянса. Интернет технологийӗллӗ çак холодильниксем апат-çимӗç пуррипе çуккине, вӗсен срокӗ тухнипе тухманнине тӗрӗслеме тата кирлӗ апат-çимӗçе интернет-лавккасенче заказ тума пултараççӗ иккен.
Çакăн пек технологиллӗ хатӗрсем ытти цифрăллă модельсем темиçе çултан POZIS кăларакан продукцин никӗсӗ пулӗç. Ростехăн генеральнăй директорӗ Сергей Чемезов завода ӗçпе килсен «ăслă» холодильниксем кăларма 2 миллиард тенкӗ инвестици укçине ярассине, çакă завода 2021 çултан çулталăкне 600 пин устройство кăларма май парассине каланă
Нет комментариев