Тутарстан тыр-пул пухса илессипе Атăлçи тăрăхӗнче иккӗмӗш
Шăрăх та типӗ çанталăка пула кăçал Тутарстан хирӗсенчен 3,7 миллион тонна тыр-пул пухса илнӗ. Кунта кукуруза та кӗрет. Расстатăн доклачӗпе килӗшӳллӗн, ку пӗлтӗрхипе танлаштарсан 31,1 процент сахалрах.
Çапах та Тутарстан Федерацин Атăлçи округне кӗрекен регионсен хушшинче пӗрчӗллисене туса илес енӗпе 2-мӗш вырăн йышăннă. Пӗрремӗш вырăнта — Саратов облаçӗ, унта 5,7 миллион тонна тыр-пул туса илнӗ.
Сахăр кăшманӗн тухăçлăхӗ те пӗлтӗрхипе танлаштарсан пӗчӗкрех — 1,5 миллион тонна кăна. Ку иртнӗ çултинчен 1,2 процент чухлӗ сахалрах.
Хӗвелçаврăнăш вара кăçал республикăра ăнса пулнă — 278 пин тонна пухса кӗртнӗ. Унчченхинчен 69,7 процент ытларах. Çӗрулми те япăх мар — 872 пин тонна. Ытти пахча çимӗçе пӗлтӗрхинчен 9 процент сахалрах туса илнӗ.
Редакци архивӗнчи сăнӳкерчӗк.
Следите за самым важным и интересным в Telegram-каналеТатмедиа
Нет комментариев