Тутарстан Халăхсен хушшинчи «#МЫВМЕСТЕ» премин финалисчӗ

Республикăран икӗ заявка финала тухнă. Вӗсене «Субъект Российской Федерации» тата «Поступок года» номинацисенче тăратнă.

«Личности» категорие Альберт Камилевич Бикмуллинран заявка килнӗ. Аса илтеретпӗр, вăл кăçал февраль уйăхӗн 7-мӗшӗнче пиллӗкмӗш этажра вырнаçнă пӗр балконăн уçă чӳречи умӗнче тăракан арçынна асăрханă. Ашшӗ хăйӗн пӗчӗк ачине чӳречерен пăрахма хатӗрленнине курса Альберт Камилевич ăна çăлса хăварас тесе подъезд умӗнче вырнаçнă крыльца тăррине хăпарнă. Анчах арçын хăйӗн усал шухăшӗнчен пăрăнман. Альберт ‎Бикмуллин пӗчӗк ачана тытса  ӗлкӗрет, унпа пӗрле юр ăшне чăмать. Çулталăк çурăри хӗрача сывă юлать. Паттăрлăх кăтартнăшăн ăна Раççей Следстви комитечӗ «Доблесть и отвага» медальпе чысланă.

Тутарстан Республики хăйӗн заявкине «Территории» категорире тăратнă, добровольчество çине пусăм тунă. Хальхи вăхăтра республикăра 216 866 волонтерпа 25 Добро.Центр ӗçлет.‎ Тутарстан 2019 çултан тытăнса 2024 çулччен пилӗк хут «Регион добрых дел» конкурсăн çӗнтерӳçи пулнипе республикăна чи лайӑх практикӑсене пурнӑҫа кӗртме  40 миллион ытла тенкӗ явӑҫтарнӑ.

Сасăлав октябрӗн 17-мӗшӗнчен пуçласа ноябрӗн 21-мӗшӗччен пырать.   Халӑх сасӑлавӗн йӗркипе ВКонтакте https://vk.cc/cCIKN2 кӗрсе паллашма пулать.

Премия.мывместе.рф сайтран тунж скриншот.