Тутарстанра 114 шкул лесничестви ӗçлет

Унта хутшăнакансем вăтамран илсен 14 çулта. Шкул лесничествисен ӗçӗ-хӗлӗн шутне республикăри ялсемпе хуласенче йывăçсемпе тӗмсем лартасси, шăнкăрч йăвисем тăвасси, вăрман фончӗн территорине çӳпӗ-çапăран тасатасси, халăха экологи тӗлӗшӗнчен информацилесси тата ытти те кӗрет. Пӗлтӗр шкул лесничествисенчи ачасем «Хӗлле кайăк-кӗшӗке çитерӗр!», «Астăвăм сачӗ», «Вăрмана пушартан сыхла!», «Тутарстанăн таса вăрманӗсем», «Пурăн, çăлкуç, пурăн!», «Макулатура парса йывăçа çăл», «Экоçуркунне», «Вăрмана упратпăр» çутçанталăка хӳтӗлемелли акцисене хутшăннă. Унсăр пуçне Заповедниксемпе наци паркӗсен кунне, Халăхсем хушшинчи вăрмансен кунне тата ытти паллă датăсене халалланă мероприятисем ирттернӗ. 

Сăнӳкерчӗк «Татмедиа» телеграмм-каналтан.