Тутарстанра 12 пин çын гриппа тата ОРВИпе чирленӗ

Юлашки тӑватӑ эрнере  гриппа чирлекенсен шучӗ чакнă, иртнӗ эрнере ку кăтарту чирлекенсен пӗтӗмӗшле шучӗн виççӗмӗш пайӗпе (34%) çеç танлашать.

ОРВИпе грипп сезонӗ малалла тăсăлнă май профилактика мерисене çирӗп пӑхӑнмалла сӗнеççӗ ведомствора:

• алӑсене тӑтӑшах супӑньпе çумалла е антисептикпа усă курмалла, уйрӑмах обществăлла вырӑнсем хыççӑн;
• ӳсӗрнӗ, сунасланӑ чухне тутӑрпа пӗр хут кăна усӑ курмалла;
• халӑх йышлӑ вырӑнсенче маскă тӑхӑнмалла, вӗсене кашни 2-3 сехетре улӑштармалла;
• пӳлӗмсене кунне 4-5 хут 15-20 минут уçӑлтармалла;
• хуть мӗнле япалан çине те дезинфекцилесе нӳрлӗ тряпкăпа кунне 2-3 хут сăтăрмалла;
• пӳлӗмсенче оптималлӑ температура (+18°С +22°С таран) пулмалла;
• белоксемпе тата витаминсемпе пуян апат çимелле;
• шăнасран сыхланмалла, çанталӑка пăхса тумланмалла;
• чир паллисем пулсан килте юлмалла, тухтӑра чӗнмелле.

Çак сӗнӳсене пӑхӑнсан чирлес хӑрушлӑх чакать.