Тутарстанра бизнес уçма 350 пин укçа илме пулать
Республикăра пурăнакансен тупăш тумалли ӗç уçма 350 пин таран патшалăх пулăшăвне илме май пур. Субсидие социаллă контракт çырсан илме пулнине пӗлтерет ТР Экономика министерстви.
Октябрӗн 28–31-мӗшӗсенче предприниматель пулма шут тытнă çынсем валли онлайн вӗрентӳ иртет. Çак тапхăрта программăна хутшăнас текенсене бизнес-план тума, тупăш илес тесен ӗçе мӗнле йӗркелемеллине тата ытти кирлӗ хăнăхусем çинчен каласа парӗç. Курссене «Мой бизнес» центр 9-мӗш хут йӗркелет. Пӗтӗмпе вӗрентӗве хутшăнса çулталăк пуçланнăранпа 200 çын пӗлӳ илнӗ.
Патшалăх пулăшăва Раççей Президенчӗ Владимир Путин пуçарса янă «Малое и среднее предпринимательство» наци проекчӗ шайӗнче парать.
Министерствăра палăртнă тăрăх, республика çыннисем социаллă контракта индивидуаллă предприниматель пек тата харпăр хăйне ӗçпе тивӗçтерекен пек ӗçлес тесен çырма пултараççӗ.
Сăнӳкерчӗк «Татар-информ» ИА.
Следите за самым важным и интересным в Telegram-каналеТатмедиа
Нет комментариев