Республикăра тӗнчипе паллă «Диснейлендăн» тутар аналогне – «Туганленд» наци паркне тăвасси çинчен Пӗтӗм Раççейри «Туган Батыр» ухăпа пӗрекенсен турнирӗнче пӗлтернӗ.
Пуçарупа «Туган авылым» наци комплексне йӗркелесе яракан Радик Абдрахманов тухнă.
«Пирӗн тӗп глобальлӗ тӗллев – «Туганленд» тăвасси. Вăл «Диснейлендăн» прототипӗ пулса тăрӗ, ăна курма Раççейрен тата пӗтӗм тӗнчерен хăнасем килӗç», – тенӗ вăл.
«Туган Батыр» проекта пуçараканӗ те Радик Абдрахманов. Проектăн тӗп персонажӗ – Туган Паттăр. Вăл тӗнче тăрăх çӳресе тӗрлӗ çӗршыври паттăрсемпе тӗл пулать. Сăнара ача-пăча юмахӗсемпе истори материалӗсене тӗпе хурса хайланă. Герой урлă ачасене йăлана кӗнӗ хаклăхсем, тăван çӗршыва юратни тата çемьепе мăн асаттесене хисеплени çинчен каласа парасшăн.
Нет комментариев