Тутарстанра нумай ачаллă çемьесен колледжра вӗренекен ачисене укçа-тенкӗ парса пулăшасшăн

Проекта ырласан, тӳлевсене сентябрӗн 1-мӗшӗнчен пама тутăнаççӗ. Компенсацие 18 тултарман виçӗ е ытларах ачаллă  çемьесене параççӗ. Ăна ывăлӗ е хӗрӗ куçăн майпа вӗренет пулсан 23 çула çитиччен илме пулать.

Компенсаци вӗреннӗшӗн тӳлевӗн 30 проценчӗпе танлашать. Çемьере иккӗ е ытларах ача вӗренсен, субсидие кашнине памалла. Тӗп услови – Тутарстанри колледжра вӗренни. Тӳлеве договор тунă ашшӗ-амăшӗ е студент хăй, 18 тултарсан илме пултарать.

Субсиди валли укçа-тенкӗ республика бюджетӗнчен Тутарстанри Ӗçпе ӗçлӗх тата социаллă хӳтлӗх министерстви урлă парăнать. Министерство программăна епле пурнăçланине тӗрӗслесе тăрӗ.

Заявление Районти материаллă пулăшу паракан центр е  ТР Патшалăх услугисен порталӗ урлă памалла. Унсăр пуçне  вӗренӳ договорӗн копийӗ, тӳлеве çирӗплетекен документ, çавăн пекех вӗренӳ формине çирӗплетекен справка пулмалла.