Тутарстанра призыв çулне çывхарса пыракан граждансене çар службине хатӗрлемелли план йышăннă

Постановленипе килӗшӳллӗн, Тутарстан Республикин власть органӗсем, çар комиссариачӗ, организацисен ертӳçисем, обществăлла пӗрлешӳсем пурте хутшăнмалла ку ӗçе. Тӗрӗсрех каласан, вӗрентӳ учрежденийӗсенче, пункчӗсенче, çамрăксен тата ача-пăча учрежденийӗсенче çарпа патриотизм воспитанийӗн ӗçне йӗркелемелле. Кунсăр пуçне спортпа прикладной тата çарпа техника секцийӗсемпе клубӗсен ӗçне малалла тăсмалла. Призыв çулне çывхаракан çамрăксене çар службине хатӗрлеме вӗрентӳ учрежденийӗсенчи, организацисемпе муниципаллă йӗркеленӳсен спорт инфраструктурипе усă курмалла. Вӗсен материаллă техника бази пӗрмай çӗнелсе тăмалла. Вӗрентӳ учрежденийӗсемпе пункчӗсене педагогсемпе тивӗçтермелле.

Призыв çулне çывхаракан граждансене çулталăк тăршшӗнче: çар службин тӗп хăнăхăвӗсене вӗрентмелле, вӗрентӳпе методика хатӗрӗсемпе тата кадрсемпе тивӗçтермелле, çарпа патриотизм воспитанийӗ, сиплевпе сывату ӗçне илсе пымалла, хăйсен ирӗкӗпе çара хатӗрленме пулăшмалла, авиаци, техника тата спортăн çарпа прикладной тӗсӗсемпе занятисем йӗркелемелле.

Çаплах çулталăкӗпех вӗрентӳ учрежденийӗсенче хăюлăх урокӗсем, класс тулашӗнчи мероприятисем, патриотизм акцийӗсем, слетсемпе фестивальсем, çар мухтавӗн кунӗсем ирттермелле, республикăри çар комиссариачӗн представителӗсемпе, Тăван çӗршывăн Аслă вăрçин, Афган, Чечня вăрçисен ветеранӗсемпе тата Украинăри ятарлă çар операцине хутшăнакансемпе тӗлпулусем йӗркелемелле.

Сăнӳкерчĕк Çĕпрел районĕн сайтĕнчен.