Тутарстанри Чăваш наципе культура автономийӗн Канашӗ черетлӗ ларăва пухăнать

Сентябрӗн 25-мӗшӗнче Элкел районӗнчи Сиктӗрмере ТР ЧНКА Канашӗн черетлӗ ларăвӗ пулать. Ăна автономин 2023 çулхи ӗç планне калăплассине халалланă. Плансем нумай. Вӗсен шутӗнче: халăх культурипе чӗлхине упраса хăварас ӗçре влаç органӗсемпе кирлӗ хутшăнусем йӗркелесси, этнокультура аталанăвне туризм ӗçӗ-хӗлӗпе çыхăнтарасси, çитес çулхи тӗп праçнике «Уява» еплерех ирттересси тата ытти те. Пухура районсенчи чăваш центрӗсем кăçалхи 9 уйăхра еплерех ӗçленине те пăхса тухӗç.

Тутарстанри хуласемпе районсенчи Чăваш наципе культура центрӗсен председателӗсен çак пухăва хăйсен заместителӗсемпе пӗрле килмелле. ТР ЧНКА Канашӗн пайташӗсене 11:00 сехетре Сиктӗрме ялӗн Культура çуртӗнче кӗтеççӗ.