Тутарстан Республикин Мăсăльмансен тӗн управленийӗ 2026 çулта мăсăльман праçникӗсене хăçан паллă тăвассине палăртнă.
Рамадан февралӗн 19-мӗшӗнче пуçланать те мартăн 20-мӗшӗнче Ураза-байрам уявӗпе вӗçленет. Курбан-байрама мăсăльмансем майăн 27-мӗшӗнче паллă тăвӗç.
Тутарстанра Ураза-байрампа Курбан-байрам уяв кунӗсем шутланаççӗ. Икӗ уяв та кăçал ӗç кунне лекет. Эппин, 2026 çулта республикăра пурăнакансем мартăн 20-мӗшӗнче тата майăн 27-мӗшӗнче канаççӗ.
Çывăх вăхăтра ТР Раисӗ Рустам Минниханов Ураза-байрампа Курбан-байрам кунӗсене палăртакан официаллă указа алă пусса çирӗплетӗ.
Нет комментариев