Хăвăр суйлавçăсен списокӗнче пуррине икӗ мелпе тӗрӗслеме пулать
Раççей Президенчӗн суйлавӗччен нумай та вăхăт юлмарӗ. Хăвăр суйлавçăсен списокӗнче пуррипе çуккине еплерех тӗрӗслемелле-ха? Çакăн пирки РФ Тӗп суйлав комиссийӗ ăнлантарса панă.
Хăв суйлавçăсен списокӗнче пуррипе çуккине икӗ мелпе — суйлав участокне кайса тата дистант мелӗпе — тӗрӗслеме пулать. Кайса тӗрӗслес тесен çак ӗçе мартăн 14-мӗшӗччен тумалла — суйлав участокне кайса комисси пайташӗсенчен хăвăр списокра пуррипе çуккине ыйтмалла.
Енчен те эсир хăвăр çинчен калакан сведенисенче йăнăшсем куратăр — вӗсене тӳрлетме ыйтса заявлени çырмалла. Ăна участокри суйлав комиссийӗ пӗр талăк хушшинче пăхса тухать, сасăлав кунӗсенче — 2 сехетре.
Çавăн пекех хăвăр списокра пуррипе çуккине онлайн мелӗпе тӗрӗслеме май пур. Кун валли РФ Тӗп суйлав комиссийӗн официаллă сайтӗнче ятарлă цифрăллă сервис пур.
Сăнӳкерчӗк «Татар-информ» ИА.
Следите за самым важным и интересным в Telegram-каналеТатмедиа
Нет комментариев