Хусан туристсем юратакан 5 хула йышӗнче

 Юлашки вăхăтра канмалли кунсенче регионсем тăрăх курса çӳресси те модăна кӗчӗ. Тӗслӗхрен, çулталăк пуçланнăранпа Хусан Кремлӗнче кăна 2 миллион турист пулса курнă. Çулла вара çӗршыври чи нумай турист килсе курнă 5 хула йышне кӗнине пӗлтерет Хусан мэрийӗн пресс-служби. Çакна хăна çурчӗсенче номер йышăнса хурассипе ӗçлекен OneTwoTrip сервис палăртнă. Унăн пӗтӗмлетӗвӗсем тăрăх, пӗтӗмӗшле кăтартăвăн 3,4 проценчӗ шăпах Хусана тӳр килет иккен. Çӳлçӳревçӗсен чи юратнă хули вара кăçал та Мускав пулни курăнать, кунти хăна çурчӗсене маларах йышăнса хурасси 21,7 процентпа танлашнă , иккӗмӗш вырăнта Санкт-Петербург (16,9 процент), виççӗмӗш – Сочи (5,7 процент). (Автор сăнӳкерчӗкӗ).